සිවුවන පරිච්ඡේදය-මහ රෑ පැමිණි ගැල්
ඔවුන් එකා බැගින් පැමිණියහ.විල්ලුවේ ජීවත් වූ එම මිනිසුන් වත්ත හරහා සෙමෙන් අඩි තබමින් ඉක්මනින් එහි ආවේ කිසිවෙකුගේ අවධානය ඇද ගැනීමට අකමැත්තෙන් මෙනි.තැබෑරුමේ ජොස් මර්ලින් වටා එක් රොක් වී සිටියේ අමුතුම ආකාරයේ මිනිසුන් සමූහයකි.ඉදිරිපිට තබන ලද්දාවූ බීර බෝතල් වලින් වැසී සිටි මේරිට ඔවුන්ට නොදැනීම එම මිනිසුන් නිරීක්ෂණය කරන්නට අවස්ථාව සැලසිණි.සමහරෙක් ආසන වල දිග ඇදී සිටි අතර සමහරෙක් බිත්ති වලට පිටදී සිටගෙන සිටියහ.මේ අතර තවත් සමහරෙක් මේස ඉදිරිපිට හිඳ සිටි අතර හිස්මොළ හා ආමාශයන්හී දරාගැනීමේ හැකියාව ඉක්මවූ එකෙක් දෙන්නෙක් පමණ බිම දිගාවී සිටියහ.මින් බහුතරයක් අපිරිසිඳු.දිගු කොන්ඩා වවාගත් කැඩුණු නිය වලින් යුත් හරක් සොරකමේ යන්නවුන්,නාවිකයන්,ඉබාගාතේ යන වෙළෙන්ඳන් සහ සොරු විය.
එම කාමරයේ දසත පැතිරී තිබුනේ දුම්කොල හා බීම වර්ග වල සැර ගන්ධයට අමතරව දිගු කලකින් නොසෝදා තිබූ ශරීර වලින් පිටවූ ගන්ධයයි.මේරිට මහත් පිලිකුල් සහගත බවක් දැනෙන්නට වූ අතර ඔක්කාරයට එන්නට විය.තව දුරටත් මෙහි රැදී සිටියහොත් වමනයට ඒම වළක්වා ගත නොහැකි වන බව ඇය අවබෝධ කර ගත්තාය.එම කෙළවරක් නොමැති සැන්ඳෑවේ ඇගේ සිතෙහි තෙරපෙමින් තිබූ එකම සිතුවිල්ල වූයේ මෙම ස්ථානයෙන් ගැලවී යාමයි.එහි වාතලය එකිනෙකාගෙන් පිටවූ හුස්ම වලිනුත් දුම් වලිනුත් පිරී පැවති බැවින් කාමරය හරහා ඈත දැකගැනීමට පවා අපහසු විය.එබැවින් ඇගේ තෙහෙට්ටු බවින් යුතු අඩවන් දෑස් වලට එහි වූ මිනිසුන්ගේ මුහුණු කිසිඳු හැඩයකින් තොර ඒවා ලෙස පෙනුණු අතර එම විශාල කොන්ඩා,දත් හා මුඛයන් ඔවුන්ගේ ශරීර වලට වඩා විසල්ව පෙනෙන්නට විය.තවද පමණට වඩා මත්වී ආසන මත හෝ පොළව මත දිග ඇදී සිටින මිනිසුන් මලමිණී ලෙසත් ඔවුන් තමන්ගේ හිස් දෙ අත් අතර රඳවාගෙන සිටින ලෙසත් ඇයට පෙනෙන්නට විය.
දැන් තව දුරටත් සිටගෙන සිටීමට තරම් ශක්තියක් තිබූ අනෙක් සෑම දෙනාම රෙඩෲත් වලින් පැමිණ සිටි අපිරිසිඳු පෙනුමැති, ශරීරයෙන් කුඩාවූ, තොරොම්බල් කරුවෙකු වටා එක් රොක් වී සිටියහ. ඔහු තමාව මෙම පිරිස අතර විකටයා බවට පත්කරගෙන සිටියේය.
දැන් නටඹුන් අතර පවතින පතලක, කලකට පෙර රැකියාව කල මොහු ඉන්පසු තොරොම්බල් කරුවෙකු ලෙස මාර්ගයේ ඇවිදිමින් ව්‍යාපාරය ආරම්භකොට ඇත.දැන් මෙම මිනිසා තමා කලක පටන් එකතු කරගත් ගීත සමූහයක් ගයමින් පිරිස ප්‍රමෝදයට පත් කරමින් සිටියේය.ඔහුගේ මෙම අප්‍රසන්න ගීත හා විහිළු නිසා නැග ආවේ වහල සෙලවෙන තරමේ මහා ඝෝසාකාරී සිනහවකි.මේරිට නම් මෙම විකාර ඝෝසාකාරී සිනහවෙහි සතුටු සිතුවිල්ලක් නොව මහත් අප්‍රසන්න දරුණු බවක් ගැබ්ව ඇතැයි හැඟිනි.එම සිනහ හඬ, ගලින් නිමවූ අඳුරු පැසේජ තුලටද ඉන්පසු උඩුමහලෙහි වූ හිස් කාමර වලටද ගලායමින් ඒවා බලාපොරොත්තු විරහිත හිස් බවකින් පුරවන්නට සමත් වුනු ලෙසකි.
ඇයට තවදුරටත් මේ සියල්ල දරාගත නොහැකි විය.ඇය තම බාප්පාගේ උරහිසට අතක් තැබූයෙන්, ඔහු කාමරයෙහි තිබූ රස්නය නිසා රත් පැහැ ගැන්වුනු මුහුණ ඇය වෙත හැරවූවේය.
"මට මේක තවත් නම් ඉවසන් ඉන්න බෑ" ඇය කීවාය."ඔයාම ඔයාගේ යාලුවන්ට සංග්‍රහ කරගන්න.මම යනවා උඩතට්ටුවේ මගේ කාමරේට"
"අහ්.දැන්මම ඇති උනාද?තමුන් අපිට හොඳ වැඩී කියලනෙ හිතන් ඉන්නේ.එහෙනම් යනවා යන්න. දැන් කොහොමත් 12ටත් කිට්ටු නිසා මට ඔයාව ආයිත් ඕන වෙන්නේ නෑ.අද රෑට දොර හොඳට අගුල් දාගෙන නිඳා ගන්නවා මේරි.ඔයාගෙ පුංචි අම්මා නම් දැන් ඇඳට ගිහින් පැයකටත් වැඩි ඇති.එයා ඇඳ රෙදි වලින් හොඳට ඔලුව වහගෙන ඇත්තෙ. "
මීලඟට තමාගේ හඬ බාල කල ඔහු ඇගේ දෙසවන් දෙසට නැමී ඇගේ මැණික් කටුවෙන් තදකොට අල්ලා ගත්තේය.එය ඇගේ පිටුපසට කොට අල්ලාගෙන ඇය වේදනාවෙන් කෑගසන තෙක් අනික් අතට ඇඹරවූ ඔහු "තමුන්ගේ කට වහලා තියාගත්තොත් මම හොඳට සලකනවා.මේ ජැමෙයිකා තානායමේදී අනුන්ගේ වැඩ වලට ඇඟිලි ගහන්න එන එක මෝඩ වැඩක්.ඒක හොදට මතක තියාගන්නවා."යී කීවේය.
මේරි මහ හඬින් දොර වසා දමමින් කාමරයෙන් පිටතට දිවයන්නට විය.තරප්පු පෙළ නැග ඉහළ මාලයට ගමන් කරන අතරතුර ඇය දෑතින් කොපමණ තදින් දෙසවන් වසා සිටියත් ඇයට එම සිනහ හඬින් හා නොදැමුණු ගී හඬින් ඈත් වීමට නොහැකි විය.ඇය තම කාමරයට හිස් පැසේජයට යටින් ගමන් කරන විට ඈ පසුපසින් පැමිණි එම හඬ එපමණකින් නොනැවතී පොළවට සවිකර තිබූ ලෑලි අතර හිඩැස් අතරින්ද හඹා එන්නට විය.ඉතින් ඇය තම බාප්පා කියූ පරිදි කලාය.ඉක්මණින් ඇදුම් මාරු කොට ඇඳට බඩගෑ ඇය තම ඇද රෙදි හිස මතට ඇදගෙන ඇඟිලි තුඩු දෙකන් තුලට දමා ඒවා වසාගත්තාය.ඇගේ සිතෙහි දැන් තිබූ එකම සිතුවිල්ල වූයේ එම කෑගසීම් වලින් සහනයක් ලැබෙනවානම් යන්නයි.
---මතු සම්බන්ධයි--
මීලඟ කොටසෙන්:
හොර රහසේම තැබෑරුමේ සිදුවන දෑ බලා සිටින මේරිට දකින්නට ලැබෙන්නේ මහත් බිහිසුණු දසුනකි.මින් ක්ලාන්තයට පත්වන ඇයට ඉන්පසු කුමක් සිදු වේද? මීලඟ කොටසෙන් හමුවෙමු.
No comments:
Post a Comment